Elkarte publiko-pribatu bat gara, eta pertsonentzat eta planetarentzat mundu hobe bat eraikitzeko lankidetzan ari gara, berrikuntza soziala sustatuz Nafarroan. Gure lanak hauxe du xede: gure bazkideak konektatu eta haien artean elkarrizketak eta sareak sortzea, berrikuntza teknologikoa pertsonengan eta erronka sozialetara hurbiltzeko.
Jarduera aitzindaria eta garrantzitsua da, eta, Foru Komunitatean lehenengo aldiz, erreferentzia-organo bat sortuko du, Nafarroan gizarte-eragin positiboa sortzen duten ekimen ekonomikoak sustatzeko. Gure komunitateak, munduko beste eskualde batzuek bezala, gizarte-erronka konplexuei egin behar die aurre, hala nola enplegua, zahartzea, gizarte-kohesioa eta aldaketa klimatikoa. Erronka berriek irtenbide berriak behar dituzte. Hori dela eta, beharrezkoa da gizarte gisa berritzea eta erronka handi horietarako irtenbide bideragarriak eta jasangarriak aurkitzea. Berrikuntza teknologikoa eta enpresa-berrikuntza oso baliotsuak eta beharrezkoak dira, baina, beste ekonomia- eta gizarte-eredu bat eraikitzeko, ezinbestekoa da berrikuntza horiek gizarte-berrikuntzako prozesuekin osatzea.
UiS3 unitatearen eginkizuna da eraldaketa sakon horri heltzen laguntzea, planetako eskualderik aurreratuenetako eredu ekonomikoan gertatzen ari den aldaketaren harira. Eta, eraldaketa horri heltzeko, Nafarroako garapenaren eta berrikuntzaren muinari (alegia, eragile ekonomikoei eta oro har gizarteari) entzun behar zaio, harekin elkarlanean aritu behar da, eta harekin jardun
Pasa den ekainean hasi zen lanean Unitatea, eta, lehenengo fasean, mundu-mailako erreferentzia diren gizarte-berrikuntzako zentroen elementu nagusiak aztertu dira, hainbat herrialdetan (Erresuma Batua, Finlandia, Australia, Alemania, Kanada, Danimarka, Hego Korea…); Nafarroako Unitatearen eredua definitu da; eta jarduera ekonomikoa, eraldaketa eta gizarte-eragin positiboa izan dezaketen gizarte-berrikuntzako proiektuak identifikatzen hasi da.
Nafar gizartearekin egiten dugu lan, garapen ekonomiko berritzailea, soziala eta jasangarriagoa sustatzen duten aldaketa sistemikoak eta egiturazkoak sortzeko. Pertsonentzako, pertsonekiko eta pertsonen eredu ekonomiko baterantz aurrera egiten laguntzen dugu. Gizarte-berrikuntzako proiektuak detektatzen, sortzen, sustatzen eta martxan jartzen ditugu, eta, horretarako, enpresak eta jarduera ekonomikoa sortu. Baina azken helburua ez dira proiektuak, baizik eta haiek sortzen duten egiturazko aldaketa.
18 kidek osatzen dute Berrikuntza Sozialaren Unitatea. Zeharka lan egiten ari da, eta proiektutan oinarritzen da berrikuntza sozialeko ikuspegia eta metodologia Nafarroako Gobernuko departamentuekin eta berrikuntzari eta ekintzailetzari sostengua ematen dien ekosistemaren agenteekin. Enpresa eta ekintzaileekin ez ezik, ekosistemaren 32 agenterekin ere lan egiten hasi gara ekosistema-mailan.
Gizarte Berrikuntzako Unitatea Nafarroako Gobernuaren Gizarte Ekonomia Bultzatzeko 2017-2020 Plan Integraleko jarduera garrantzitsu gisa sortu da. Plan hori Politika Ekonomiko eta Enpresarialeko eta Laneko Zuzendaritza Nagusiak egin du, Nafarroako CEPESekin elkarlanean. Gizarte-ekonomia oso plataforma egokia da Gizarte Berrikuntzako Unitatea ezagutarazteko. Eskualdeetako Europako Lantaldeak berak dioenez, «gizarte-berrikuntza egoki susta daiteke gizarte-ekonomiaren bidez. Gizarte-ekonomiako ekimenek kohesio soziala, ekonomikoa eta lurraldekoa handitzen laguntzen dute».
Gero, 2020ko ekainean, 18 fundatzailek osatutako elkarte publiko-pribatu bat sortu zen (ADITECH, Nafarroako Unibertsitate Publikoa, Nafarroako Unibertsitatea, ASPACE, ADACEN, TASUBINSA, Gure Sustraiak, Tudela Comparte, HydroRubber, CO2 Revolution, ARPA, Lacturale, Tesicnor, Josenea. Das Nano, UCAN eta ANEL eta Nafarroako Gobernua). Elkarteak lan-arlo hauek ezarri zituen eginkizun nagusi: pertsonak (#UiS_SALUD), planeta (#UiS_EARTH) eta oparotasuna (#UiS_AMETS).
UiS3 unitatearen eginkizuna da eraldaketa sakon horri heltzen laguntzea, planetako eskualderik aurreratuenetako eredu ekonomikoan gertatzen ari den aldaketaren harira. Eta, eraldaketa horri heltzeko, Nafarroako garapenaren eta berrikuntzaren muinari (alegia, eragile ekonomikoei eta oro har gizarteari) entzun behar zaio, harekin elkarlanean aritu behar da, eta harekin jardun.
Berrikuntza Sozialaren Nafarroako Unitatea Berrikuntza Globalaren ekosisteman integratutako erreferentziako agente sendotua izatea nahi dugu; izan ere, han nodo gisa aritzea nahi dugu, berrikuntza sozialari buruzko proiektu esanguratsuak sustatuz eta ezagutza baliotsuak sortuz.
Pertsonekin batera sortzea, gorantz, betiere, aniztasuna eta aukera-askatasuna errespetatuz.
Aldaketa esanguratsuak sortzen laguntzea, eta doitasunez eta konpromisoz lan egitea, benetako enplegua eta eragina sortzeko
Taldea Talde zabala sortzea, ekosistemako gainerako eragileei balioa emanda, lankidetza sustatuz
